जनकपुरधाम । सिराहामा प्रहरीले लागूऔषध ब्राउन सुगरसहित एक युवकलाई पक्राउ गरेको छ।
जिल्ला प्रहरी कार्यालय सिराहाका अनुसार विशेष सूचनाका आधारमा शनिबार राति सिराहा नगरपालिका–१५ स्थित बुधौरामा भारतबाट नेपालतर्फ आउँदै गरेको प्रदेश ०२–००१ प ००७० नम्बरको मोटरसाइकललाई रोकेर जाँच गरिएको थियो।
जाँचका क्रममा मोटरसाइकल चालक गोलबजार नगरपालिका–७ का २६ वर्षीय राकेश यादव पक्राउ परेका हुन्। प्रहरीका अनुसार मोटरसाइकलको भाइजरभित्र कालो प्लास्टिकमा लुकाएर राखिएको अवस्थामा ६ ग्राम १३० मिलिग्राम ब्राउन सुगर बरामद भएको छ।
सिराहा प्रहरी प्रवक्ता रमेशबहादुर पालका अनुसार पक्राउ परेका यादवलाई मोटरसाइकलसहित जिल्ला प्रहरी कार्यालय सिराहामा ल्याई घटनाबारे थप अनुसन्धान भइरहेको छ।
प्रतिक्रिया
सम्बन्धित खवर
